Կիևը Երևանին «Բալթիկ-Սևծովյան դաշինքին» միանալու կոչ է արել

«AnalitikaUA» պարբերականին տված հարցազրույցում Ուկրաինայի նախագահի աշխատակազմի խորհրդական Միխայիլ Պոդոլյակն անդրադարձել է Հայաստանի արտաքին քաղաքականությանը, Անդրկովկասյան հանրապետության հարաբերություններին ՆԱՏՕ-ի, ԵՄ-ի և ընդհանրապես Արևմուտքի հետ, հայկական լուրերին։ Այս մասին այսօր՝ նոյեմբերի 20-ին, հայտնում է «168 ժամ» պարբերականը:

«Հայաստանը ճիշտ ուղու վրա է։ Ռազմավարությունը, որը ես հիմա տեսնում եմ Հայաստանի դիրքորոշման մեջ, սերտ երկխոսությունն է ՆԱՏՕ-ի երկրների, Մեծ Բրիտանիայի, ԱՄՆ-ի, Ֆրանսիայի հետ, որոնց հետ պատմականորեն երկխոսությունը միշտ լավ է եղել։ Հայաստանը բացվում է և՛ ԵՄ-ի, և՛ ԱՄՆ-ի առաջ»,- ասել է Կիևի ներկայացուցիչը։

Պատասխանելով, այսպես կոչված, Բալթիկ-Սև ծով պաշտպանական դաշինքին (այս տարվա օգոստոսին առաջարկված Վլադիմիր Զելենսկու կողմից) Հայաստանի հնարավոր մասնակցության մասին հարցին՝ Պոդոլյակը հույս է հայտնել, որ Բալթիկ և Սև ծով ելք ունեցող երկրների այս «միավորման» դռները,  բաց են Երևանի համար։

Նրա խոսքով, Կիևյան այս նախաձեռնության շրջանակներում անհրաժեշտ է իրավական և նյութատեխնիկական լուծումներ փնտրել Հայաստանի հետ համագործակցության համար։

Նշենք, որ ՌԴ ԱԳՆ պաշտոնական ներկայացուցիչ Մարիա Զախարովան նոյեմբերի 2-ին Հայաստանի Անվտանգության խորհրդի քարտուղար Արմեն Գրիգորյանի և Ուկրաինայի նախագահի գրասենյակի ղեկավար Անդրեյ Էրմակի (հոկտեմբերի 28-ին Մալթայում) հանդիպումը «ցուցադրական հակառուսական ժեստ է անվանել»։ ՌԴ ԱԳՆ-ն այնուհետ հիշեցրել է, որ ավելի վաղ Կիև է եկել ՀՀ վարչապետի կինը՝ Աննա Հակոբյանը, Հանրապետության խորհրդարանի նախագահ Ալեն Սիմոնյանը Իռլանդիայի Դուբլինում կապվել է Ուկրաինայի Գերագույն Ռադայի նախագահ Ռուսլան Ստեֆանչուկի և վարչապետի հետ։ ՀՀ վարչապետ Նիկոլ Փաշինյանը հոկտեմբերի 5-ին Իսպանիայի Գրանադա քաղաքում Եվրոպական քաղաքական համայնքի երրորդ գագաթնաժողովի շրջանակում զրուցել է Վլադիմիր Զելենսկու հետ։

«Երևանում, կարծում եմ, պետք է գիտակցեն իրենց ցուցադրական սիրախաղը նրանց հետ, ովքեր ագրեսիվորեն ընդդիմանում են մեր երկրին։ Իսկ այլ սահմանում չկա։ Ցավալի է, որ հանրապետության ներկայիս ղեկավարությունը նպատակաուղղված և համառորեն ոչնչացնում է մեր դաշնակցային հարաբերությունները, որոնք ոչ վաղ անցյալում նա ինքն էր համարում Հայաստանի կայունության և բարգավաճման ամենակարևոր գործոնը»,- ասել է Զախարովան։

Երմակ-Գրիգորյան հանդիպումից հետո Ուկրաինայի նախագահի մամուլի ծառայությունը հայտարարություն է տարածել, ըստ որի Կիևի վարչակարգի ներկայացուցիչը «բարձր է գնահատել Հայաստանի անդամակցությունը ուկրաինական խաղաղության բանաձևին աջակցող պետությունների շրջանակին»։ Ավելին, Զելենսկու գրասենյակի ղեկավարը նշել է «կա նոր ենթատեքստ» Ուկրաինայի և Հայաստանի երկկողմ հարաբերություններում։

Նիկոլ Փաշինյանն ակտիվորեն գնում է Վլադիմիր Զելենսկու հետքերով, հոկտեմբերի 18-ին ՏԱՍՍ-ին հայտնել է Մոսկվայում բարձրաստիճան աղբյուրը։ Սա արձագանք էր ՀՀ կառավարության ղեկավարի` Եվրախորհրդարանի ամբիոնից հնչեցրած հայտարարություններին, ըստ որոնց՝ «Հայաստանի անվտանգության դաշնակիցները հրապարակայնորեն կոչ են արել տապալել հանրապետությունում ժողովրդավարական իշխանությունը»։ Նրա խոսքով, ժողովրդավարությունը Հայաստանում ստացել և շարունակում է ստանալ «լուրջ հարվածներ նույն սցենարով»։ Սկզբում գալիս է արտաքին ագրեսիան, հետո՝ Հայաստանի դաշնակիցների անգործությունը, իսկ հետո՝ ռազմական կամ հումանիտար իրավիճակն օգտագործելու փորձերը՝ երկրում իշխանությունը տապալելու համար, փաստարկեց Փաշինյանը։