Սուրեն Պապիկյանը նույնպես չի մասնակցի ՀԱՊԿ նիստին
21/11/2023 22:03
![Սուրեն Պապիկյանը նույնպես չի մասնակցի ՀԱՊԿ նիստին](https://times.am/v3/wp-content/uploads/2023/11/Image-201-e1700589746949-1200x630.jpeg)
Նմանատիպ
Հայաստանի պաշտպանության նախարար Սուրեն Պապիկյանը չի մասնակցելու վաղը Մինսկում կայանալիք Հավաքական անվտանգության պայմանագրի կազմակերպության (ՀԱՊԿ) Պաշտպանության նախարարների խորհրդի նիստին։ «Ազատության» հարցին ի պատասխան այս մասին հայտնել է Պաշտպանության նախարարության խոսնակ Արամ Թորոսյանը:
Ավելի վաղ հայտնի էր դարձել, որ ԱԳ նախարար Արարատ Միրզոյանը չի մասնակցելու նոյեմբերի 22-ին Մինսկում նախատեսվող ՀԱՊԿ արտաքին գործերի նախարարների խորհրդի, պաշտպանության նախարարների խորհրդի և անվտանգության խորհրդի քարտուղարների կոմիտեի համատեղ նիստին:
Նիկոլ Փաշինյանը շուրջ մեկ շաբաթ առաջ էր Բելառուսի նախագահ Ալեքսանդր Լուկաշենկոյին հայտնել, որ չի մասնակցելու Մինսկում կայանալիք ՀԱՊԿ գագաթնաժողովին:
Հետևեք մեզ նաև Telegram-ում