Ադրբեջանցիները ճանապարհ են կառուցում Շուշիի պատմական գերեզմանատան միջով․ Caucasus Heritage Watch

Կովկասյան ժառանգության պաշտպանության միջազգային կազմակերպությունը (Caucasus Heritage Watch) ահազանգում է, որ հոկտեմբերի 5-ից մինչև նոյեմբերի 3-ն ընկած ժամանակահատվածում ադրբեջանցիները բուլդոզերներով ճանապարհ են հարթել Շուշիի պատմական գերեզմանատան միջով, որը հայտնի է որպես Երևանյան դարպասների մոտի գերեզմանոց։

Համապատասխան արբանյակային կադրերը հրապարակվել են կազմակերպության X-ի միկրոբլոգում։

DAMAGE ALERT: Between Oct. 5 and Nov. 3 bulldozers carved a road through an historic burial ground in Shusha/i known as the Yerevan Gate cemetery. Nestled amidst the trees are at least 78 Armenian-inscribed tombstones dating between 1802 and 1913. 1/5 pic.twitter.com/uHBdX5Oa92

— CaucasusHeritageWatch (@CaucasusHW) November 22, 2023

Ինչպես նշված է գրառման մեջ, խիտ անտառը ծածկում է գերեզմանոցը, ուստի դրա սահաները տեղորոշելու համար կազմակերպությունը կիրառել է Շուշիի մասին հրապարակումներն ու քարտեզները։ Ծառերի միջև կա առնվազն 78 տապանաքար հայերեն տապանագրերով, որոնք թվագրվում են 1802-1913 թվավականներին։ Դեռևս հայտնի չէ, թե դրանցից քանիսն են վնասվել։