Ադրբեջանում շարունակում են ձերբակալել լրագրողների

Հայտնի են դարձել հասարակական ակտիվիստ Մուհամմեդ Կեկալովի կալանավորման մանրամասները։ Նրա փաստաբան Ռովշանա Ռագիմովան ասել է, որ չգիտի նրա գտնվելու վայրը և չի կարող հանդիպել նրա հետ։

Ի պատասխան Turan գործակալության հարցման՝ Ադրբեջանի ՆԳՆ ներկայացուցիչը հայտնել է, որ Կեկալովը կալանավորվել է Abzas-Media առցանց հրատարակության տնօրեն Ուլվի Հասանլիի և նրա աշխատակից Սևինջ Վագիֆքիզիի դեմ հարուցված քրեական գործի շրջանակներում։ Նրանք մեղադրվում են արտարժույթի մաքսանենգության մեջ։ Դատարանը Հասանլիին ու Վագիֆքիզիին կալանավորել է 4 ամսով։

Ամենայն հավանականությամբ Կեկալովը նույնպես կձերբակալվի։ Փաստաբանները հայտարարել են, որ առաջադրված մեղադրանքն անհիմն է։

Նշենք, որ առցանց հրատարակությունը վերջերս նյութեր է հրապարակել իշխանության վերին օղակներում կոռուպցիայի մասին։ Հետաքննությունը կասկածում է, որ Ուլվի Հասանլին կապ ունի USAID-ի հետ և ֆինանսավորվում է նրա կողմից՝ «իշխանությանը վարկաբեկելու համար»։

Որոշ աղբյուրներ չեն բացառում ձերբակալված լրագրողներին նոր մեղադրանք առաջադրելու հնարավորությունը։ Նրանց կարող են մեղադրել «հայամետ» USAID-ի օգտին լրտեսելու մեջ։