Ղարիբաշվիլին Ալիևի հրավերով մեկնել է Բաքու
24/11/2023 11:37
![Ղարիբաշվիլին Ալիևի հրավերով մեկնել է Բաքու](https://times.am/v3/wp-content/uploads/2023/11/Image-247-scaled-e1700811363615-1200x630.jpeg)
Նմանատիպ
Վրաստանի վարչապետ Իրակլի Ղարիբաշվիլին Իլհամ Ալիևի հրավերով մեկնել է Բաքու։ Այս մասին հաղորդում է Վրաստանի վարչապետի գրասենյակը։
Նշվում է, որ Ղարիբաշվիլին, որպես պատվավոր հյուր կմասնակցի այսօր Բաքվում կայանալիք SPECA-ի (Միավորված ազգերի կազմակերպության Կենտրոնական Ասիայի տնտեսությունների հատուկ ծրագիր) 25-ամյակին նվիրված տնտեսական համաժողովին։ Վրաստանի վարչապետը ելույթ կունենա համաժողովի շրջանակներում նախատեսված պետությունների ղեկավարների գագաթնաժողովում։
Թբիլիսին նշում է, որ Վրաստանի վարչապետը կհանդիպի նաև Ադրբեջանի նախագահ Իլհամ Ալիևի հետ։ SPECA-ի 25-ամյակի կապակցությամբ այս տարվա համաժողովը նախագահում է Ադրբեջանը: Համաժողովի շրջանակներում Բաքու են ժամանել նաև Տաջիկստանի, Ղազախստանի, Ղրղըզստանի, Ուզբեկստանի նախագահները։
Հետևեք մեզ նաև Telegram-ում