Լեզվի կոմիտեն նոր նախագահ ունի

ՀՀ վարչապետը լեզվի կոմիտեի նոր նախագահ է նշանակել։ Նիկոլ Փաշինյանի որոշման համաձայն` կոմիտեն ղեկավարելու է բանասիրական գիտությունների թեկնածու, դոցենտ Սիրանուշ Դվոյանը։ Համապատասխան փաստաթուղթը հրապարակվել է կառավարության պաշտոնական կայքում։

«Ղեկավարվելով «Հանրային ծառայության մասին» օրենքի 9-րդ հոդվածի 7-րդ մասով` Սիրանուշ Դվոյանին նշանակել լեզվի կոմիտեի նախագահ»,- նշված է վարչապետի որոշման մեջ։

Հիշեցնենք, որ 2018 թվականի հունիսից լեզվի կոմիտեի նախագահի պաշտոնը զբաղեցնում էր լեզվաբան Դավիթ Գյուրջինյանը։ Այս տարվա մարտին նա նշանակվեց Վալերի Բրյուսովի անվան պետական համալսարանի ռեկտորի պաշտոնակատար։