Միրզոյանը և Կոլոմնիան քննարկել են ՀՀ-ՆԱՏՕ գործընկերությանը վերաբերող հարցեր

ՀՀ ԱԳ նախարար Արարատ Միրզոյանը ՆԱՏՕ-ի գլխավոր քարտուղարի՝ Կովկասի և Կենտրոնական Ասիայի հարցերով հատուկ ներկայացուցիչ Խավիեր Կոլոմինայի հետ քննարկել է դաշինքի հետ Երևանի գործընկերությանն ու դրա ամրապնդման ուղղությամբ ձեռնարկվող քայլերը։ Այս մասին ՀՀ ԱԳ նախարար Արարատ Միրզոյանը հայտնել Է X սոցցանցում։

Good meeting w/@NATO SG @JavierColominaP on #Armenia🇦🇲-#NATO partnership,ongoing steps to enhance it.

Sovereignty & territorial integrity, clarity for state borders are key & should be unequivocally upheld by all stakeholders to reach lasting stability & peace in #SouthCaucasus. pic.twitter.com/dLMw1IaOWm

— Ararat Mirzoyan (@AraratMirzoyan) November 30, 2023

Հանդիպումը կայացել է Սկոպյեում (Հյուսիսային Մակեդոնիա) ԵԱՀԿ արտգործնախարարների 30-րդ նստաշրջանի շրջանակներում:

Հայաստանի արտաքին քաղաքական գերատեսչության ղեկավարը դրական է գնահատել բանակցությունները ՆԱՏՕ-ի հատուկ ներկայացուցչի հետ։

«Ինքնիշխանությունը և տարածքային ամբողջականությունը, պետական սահմանների հստակությունը առանցքային են և պետք է անվերապահորեն ճանաչվեն բոլոր շահագրգիռ կողմերի կողմից ՝ Հարավային Կովկասում կայունության և կայուն խաղաղության հասնելու համար», – նշել է Միրզոյանը։

Հիշեցնենք` Միրզոյանը Հյուսիսային Մակեդոնիա է մեկնել աշխատանքային այցով։ Նախարարն այնտեղ կլինի մինչև դեկտեմբերի 1-ը։