Կամավոր ատեստավորման անցողիկ շեմը կփոխվի
01/12/2023 15:05
![Կամավոր ատեստավորման անցողիկ շեմը կփոխվի](https://times.am/v3/wp-content/uploads/2023/11/ccfc0f5b8b496621cc845560417ddbc7-e1700212990130-1200x630.jpg)
Նմանատիպ
ՀՀ կրթության, գիտության, մշակույթի և սպորտի նախարարի հրամանով հաստատվել են կամավոր ատեստավորման արդյունքում 60-69 տոկոս արդյունք ցուցաբերած ուսուցիչների/անձանց ցուցակները՝ սահմանելով դրույքաչափը 200000 դրամ՝ մեկ դրույք զբաղվածության համար: Տեղեկացնում է ՀՀ ԿԳՄՍՆ մամուլի ծառայությունը։
Համաձայն հրամանի՝ ուսուցիչ չաշխատող անձինք դրույքաչափի փոփոխությունից կօգտվեն պետական հանրակրթական դպրոցներում որպես ուսուցիչ աշխատանքի ընդունվելու օրվանից:
Սահմանվել է նաև, որ դրույքաչափի փոփոխությունը կատարվում է՝ սկսած 2023 թվականի հոկտեմբերի 1-ից, որը կիրառվելու է նաև 2021 և 2022 թվականներին կամավոր ատեստավորմանը մասնակցած և 60-69 տոկոս արդյունք ցուցաբերած ուսուցիչների համար:
Հետևեք մեզ նաև Telegram-ում