Ղրիմում փոթորկի պատճառով 5 մարդ է մահացել, կան նաև տուժածներ
01/12/2023 16:25
Նմանատիպ
Հինգ մարդ մահացել է, 12-ը տուժել են Ղրիմում տեղի ունեցած փոթորկի պատճառով։ Այս մասին հայտնել է Ղրիմի ղեկավար Սերգեյ Ակսյոնովը:
«Տարերքի հետևանքով տուժել է 12 մարդ։ Ցավոք, 5 մարդ է մահացել»,-հայտնել է Ակսյոնովը իր Telegram ալիքում։
Անցած հանգստյան օրերին Միջերկրական ցիկլոնը հասել է Ղրիմ՝ բերելով փոթորկոտ եղանակ, տեղատարափ անձրևներով և մինչև 40 մ/վ փոթորկի ուժգնությամբ քամիով: Ղրիմի շատ գյուղեր հոսանքազրկվել են, ծառեր են տապալվել, վնասվել են գազատարները։ Ծովում ուժեղ փոթորիկ է եղել, ալիքները հեղեղել են Եվպատորիայի ափամերձ շրջանները, Սակի- Եվպատորիա մայրուղին։ Արտակարգ դրության ռեժիմ է սահմանվել Սևաստոպոլում և Ղրիմի 15 շրջաններում։
Հետևեք մեզ նաև Telegram-ում