ԱՄՆ-ը, Ավստրալիան և Ճապոնիան համատեղ զորավարժություններ կանցկացնեն

ԱՄՆ-ը, Ավստրալիան և Ճապոնիան սկսել են «Յամասակուրա» (Լեռնային Սակուրա) համատեղ զորավարժությունների անցկացումը։ Այս մասին հաղորդում է NHK հեռուստաալիքը:

Զորավարժությունները, որոնց Ավստրալիայի զինված ուժերի ներկայացուցիչներն առաջին անգամ են մասնակցում, կանցկացվեն մինչև դեկտեմբերի 13-ը:

Հեռուստաալիքի տվյալների համաձայն՝ զորավարժությունների ընթացքում կմշակվեն ճապոնական, ամերիկյան և ավստրալական զորքերի համատեղ գործողությունները՝ Ճապոնիան արտաքին ագրեսիայից պաշտպանելու համար: Նշվում է, որ Ավստրալիայի ստորաբաժանումները գտնվելու են ամերիկյան հրամանատարության ներքո:

«Յամասակուրա» շարքի վարժանքներն անցկացվում են 1982 թվականից։