WhatsApp-ը ձայնային հաղորդագրության նոր հնարավորություն է գործարկել
08/12/2023 12:01
Նմանատիպ
WhatsApp հավելվածում հնարավոր կլինի ձայնային հաղորդագրություններ ուղարկել, որոնք ավտոմատ կերպով կջնջվեն մեկ անգամ լսելուց հետո։ Գործառույթը գործարկվել է երեկ՝ դեկտեմբերի 7-ին, ասվում է մեսենջերի կայքում հրապարակված մամուլի հաղորդագրության մեջ։
Մեկանգամյա ձայնային հաղորդագրությունները հասանելի կլինեն ամբողջ աշխարհում առաջիկա մի քանի օրվա ընթացքում: Նման հաղորդագրությունները կնշվեն հատուկ պատկերակով, որը նախազգուշացնում է, որ ձայնագրությունը կարելի է լսել միայն մեկ անգամ:
«WhatsApp-ի բոլոր անձնական հաղորդագրությունները, ներառյալ ձայնային հաղորդագրությունները, կոդավորված են ծայրից ծայր: «Լսիր մեկ անգամ» գործառույթը ևս մեկ օրինակ է, թե ինչպես ենք մենք բարելավում հաղորդակցության գաղտնիությունը», – ընդգծել է ընկերությունը:
Հետևեք մեզ նաև Telegram-ում