Շաբաթ և կիրակի օրերին Հրազդանի կիրճում երթևեկությունը կարգելվի
18/12/2023 17:15
Նմանատիպ
Հրազդանի կիրճում շաբաթ և կիրակի օրերին ավտոմեքենաների երթևեկությունը կարգելվի։ Այս մասին հայտարարել է Երևանի քաղաքապետարանի տրանսպորտի վարչության պետ Վազգեն Հարությունյանը: Ըստ նրա՝ սա արվում է մարզվող քաղաքացիների անվտանգությունն ապահովելու և առողջ ապրելակերպը բնակիչների շրջանում խթանելու նպատակով․
«Երթևեկությունը կարգելվի շաբաթ և կիրակի օրերին՝ 06:00-23:00-ն ընկած ժամանակահատվածում: Ներկա պահին բոլոր ճանապարհային նշանները վերականգնված են և ամբողջությամբ կահավորված»,- ասել է նա։
Վազգեն Հարությունյանը տեղեկացրել է՝ ճանապարհային ոստիկանության հետ քննարկվել է հարցը, այժմ նաև պետք է պարեկային ծառայությանը խնդրել, որ վերջիններս հետևողական լինեն:
Հետևեք մեզ նաև Telegram-ում