Պուտինն ու Սին շատ խելացի են և խորամանկ. Թրամփ
Նմանատիպ
ԱՄՆ նախկին նախագահ Դոնալդ Թրամփը Ռուսաստանի և Չինաստանի առաջնորդներ Վլադիմիր Պուտինին և Սի Ծինփինին անվանել է շատ խելացի և խորամանկ մարդիկ։ Այս մասին գրում է Fox News-ը:
«Բայդենը չի կարող երկու նախադասություն իրար կապել, և նա մեզ է ներկայացնում՝ միջուկային զենքով,… իսկ Պուտինն ու Սին շատ խելացի մարդիկ են: ԶԼՄ-ները ատում են, երբ ես ասում եմ, որ նրանք խելացի են, բայց թույլ տվեք ձեզ ասել, որ նրանք շատ խելացի են և շատ խորամանկ», – ասել է Թրամփը Այովա նահանգում իր աջակիցներին:
Ավելի վաղ Թրամփը հայտարարել էր, որ լավ հարաբերություններ ունի Պուտինի հետ, և ուկրաինական հակամարտությունից կարելի էր խուսափել, եթե ինքը զբաղեցներ ԱՄՆ վարչակազմի ղեկավարի պաշտոնը։
Թրամփը 2024 թվականի նախագահական ընտրություններում հանրապետականների ամենահավանական թեկնածուն է։ Նախկինում նա բազմիցս հայտարարել է, որ իրեն մեղադրանք առաջադրելը Բայդենի վարչակազմի կողմից ընտրություններին միջամտելու փորձ է, որին նա համարում է «պատմության մեջ ամենակոռումպացված և ապաշնորհ» ԱՄՆ նախագահը։
Հետևեք մեզ նաև Telegram-ում