Հայաստանում կկայանա խոշոր տնտեսական համաժողով․ Ամունդի-Ակբա

Ամունդի-Ակբա Ասեթ Մենեջմենթը Հայաստանում երկրորդ անգամ կազմակերպում է «Ամունդի-Ակբա տնտեսական համաժողով»-ը, որը տեղի կունենա հունվարի 24-ին Երևանում։

Համաժողովը 2023թ․-ին կազմակերպած տնտեսական ֆորումի երկրորդ թողարկումն է, որի նպատակն է համախմբել ոլորտի փորձագետներին և նորարարներին՝ ուսումնասիրելու ու քննարկելու ժամանակի մարտահրավերները, միտումներն ու տնտեսական միջավայր ձևավորող կարևորագույն թեմաները։

Միջոցառման կիզակետում․

Ամունդիի 2024 թվականի ներդրումային տեսլականը աշխարհի և Հայաստանի համար (14:45 – 15:15)

Միջոցառման մեկնարկին Ամունդիի և Ամունդի-Ակբայի լավագույն փորձագետները կներկայացնեն Ամունդիի ներդրումային տեսլականը 2024թ․ համար՝ փոխանցելով արժեքավոր կանխատեսումներ մակրոտնտեսական միտումների և ֆինանսական շուկաների զարգացումների վերաբերյալ։

Մակրոտնտեսական զարգացումները Հայաստանում (15:15 – 15:25)

ՀՀ կենտրոնական բանկի փոխնախագահը կներկայացնի մակրոտնտեսական վերջին զարգացումներն ու սպասումները։

Արհեստական բանականությունն ու ԲՍԿ (բնապահպանական, սոցիալական և  կառավարչական) սկզբունքները (16:20 – 16:35)

Ամունդի ներդրումային ինստիտուտի հատուկ բանախոսը կխոսի ԲՍԿ՝ բնապահպանական, սոցիալական և կառավարչական սկզբունքների զարգացման գործում արհեստական բանականության դերի մասին:

Պանելային քննարկում՝ Արհեստական բանականությունը կայուն ֆինանսների համար․ մարտահրավերներ և հնարավորություններ (16:35 – 17:10)

Ոլորտի առաջատար փորձագետները պանելային քննարկման ընթացքում կբացահայտեն կայուն ֆինանսների հասնելու համար արհեստական բանականության ընձեռած հնարավորությունները և առկա մարտահրավերները։

Հարցազրույց՝ Հարավային Կովկասի աշխարհաքաղաքականությունը և դրա ազդեցությունը Հայաստանի տնտեսության վրա (18:05 – 19:30)

Եվ վերջապես միջոցառումը կամփոփվի բացառիկ հարցազրույցով ՀՀ Կենտրոնական բանկի նախագահի և Ֆրանսիայից ժամանած հատուկ հյուրի մասնակցությամբ։ Վերջինս կկիսվի աշխարհաքաղաքական զարգացումների և Հարավային Կովկասի վրա դրանց ազդեցության վերաբերյալ իր դատողություններով, իսկ դրանց տնտեսական հետևանքներին կանդրադառնա ՀՀ կենտրոնական բանկի նախագահը։ Հարցազրույցը կվարի Ամունդի-Ակբայի գործադիր տնօրենը։

Համաժողովի բանախոսներ․

• Ժան Մազեջյան, Ամունդի-Ակբայի գործադիր տնօրեն,
• Մարտին Գալստյան, ՀՀ կենտրոնական բանկի նախագահ,
• Ֆրեդերիկ Պասկալ, Ամունդիին պատվիրակված ներդրումային լուծումների համաղեկավար,
• Հրայր Ասլանյան, Ամունդի-Ակբայի գործադիր տնօրենի տեղակալ, ֆոնդերի կառավարիչ,
• Արմեն Նուրբեկյան, ՀՀ կենտրոնական բանկի փոխնախագահ,
• Արամ Փախչանյան, անկախ փորձագետ, խորհրդատու, «Այբ» կրթական հիմնադրամի համահիմնադիր,
• Մարի Բրիեր, Ամունդի ներդրումային ինստիտուտի ներդրողների գրագիտության և ակադեմիական համագործակցության դեպարտամենտի ղեկավար,
• Գարեգին Գևորգյան, ՀՀ կենտրոնական բանկի Ֆինանսական կայունության դեպարտամենտի տնօրեն,
• Արմեն Խրլոբէան, անկախ փորձագետ, գիտնական և ներդրող,
• Ֆրեդերիկ Անսել, ֆրանսիացի գիտնական, աշխարհաքաղաքագետ, գրող, հրապարակախոս։

Առցանց հետևելու համար․

Ուղիղ հեռարձակմանը հունվարի 24-ին կարող եք հետևել այստեղ։

Zoom վեբինարի հղում։

Ամունդի-Ակբա Ասեթ Մենեջմենթը հիմնադրվել է 2013թ: Ընկերությունը կառավարում է երեք պարտադիր կուտակային կենսաթոշակային ֆոնդ՝ 2023թ․ դեկտեմբերի 30-ի դրությամբ կառավարման ներքո ունենալով ավելի քան 417 մլրդ դրամ ակտիվներ։ Ընկերության բաժնետերերն են ֆրանսիական Ամունդին, որը Եվրոպայի առաջատար ակտիվների կառավարիչն է շուրջ 2 տրիլիոն եվրո կառավաման ներքո ակտիվներով 2023թ․ սեպտեմբերի 30-ի դրությամբ, և Ակբա Բանկը, որը Հայաստանի խոշոր ֆինանսական հաստատություններից է, ներկայացված է երկրի ամբողջ տարածքում, ունի 65 մասնաճյուղ։ 

Հետևեք մեզ նաև Telegram-ում