Հունաստանը կվաճառի Աթենքի օդանավակայանի բաժնետոմսերի 30%-ը

Հունաստանը Աթենքի ֆոնդային բորսայում կտեղաբաշխի մայրաքաղաքի միջազգային օդանավակայանի բաժնետոմսերի 30%-ը։ Այս մասին հայտարարել է Աթենքի միջազգային օդանավակայանը:

«Հունաստանը Աթենքի ֆոնդային բորսայում կցուցադրի Աթենքի միջազգային օդանավակայանի սովորական բաժնետոմսերի 30%-ը: Ակնկալվում է, որ այս նախնական հրապարակային առաջարկը կլինի Հունաստանի ամենամեծ IPO-ն վերջին 15 տարվա ընթացքում: Օդանավակայանի բաժնետոմսերի ցուցակումը նախանշված է փետրվարին՝ անհրաժեշտ կարգավորող հաստատումներ և շուկայական բարենպաստ պայմաններ ունենալու պայմանով»,- ասվում է հաղորդագրության մեջ:

Աթենքի միջազգային օդանավակայանը Հունաստանի խոշորագույն օդանավակայանի կայուն, արդյունավետ և շահութաբեր համարվողող ընկերությունն է:

«Օդանավակայանը սպասարկում է երկրի ընդհանուր օդային երթևեկության մոտավորապես 35%-ը: Նապորդ տարի ավելի քան 28 միլիոն ուղևոր է այստեղ եղել, ընդ որում՝ ուղևորահոսքն արդեն գերազանցում է մինչ COVID-19-ի մակարդակը», – նշում են ընկերությունից։

2023-ին Աթենքի միջազգային օդանավակայանը իններորդ ամենածանրաբեռնված հանգույցն էր Եվրոպայում: Իսկ Համաշխարհային զբոսաշրջության կազմակերպության տվյալներով՝ Հունաստանը 2022 թվականին ամենաշատ միջազգային ժամանողների թվով աշխարհի առաջին տասնյակում է։