Բիլ Գեյթսն արհեստական բանականությունն օգտակար է համարում ծրագրավորողների համար

ChatGPT-ի նման գեներատիվ արհեստական բանականությունը բարելավում է որոշ մասնագետների արտադրողականությունը, սակայն դրա լայնածավալ կիրառումը պահանջում է մասշտաբային կարգավորում: Այս մասին հայտնում է BNN-ը՝ վկայակոչելով բարերար, Microsoft-ի հիմնադիր Բիլ Գեյթսին, որը ելույթ է ունեցել Դավոսում (Շվեյցարիա) Համաշխարհային տնտեսական ֆորումում։

Ըստ Գեյթսի, գեներատիվ արհեստական բանականության հայտնվելը որոշ ոլորտներում հանգեցրել է մարդկային արտադրողականության զգալի բարելավման: Օրինակ, ծրագրավորողները նշում են արդյունավետության բարձրացում մինչև 50%-ով. արհեստական բանականությունը լավ է կարողանում լուծել սովորական կոդավորման առաջադրանքները:

Միևնույն ժամանակ միլիարդատերը նաև ընդգծել է, որ արհեստական բանականությունը պետք է երկար ճանապարհ անցնի դեպի ինտեգրում՝ իրավական ասպեկտների առումով։ Նրա խոսքով՝ արհեստական բանականության համատեքստում կարգավորիչ դաշտի մշակումը ոչ պակաս դժվար կլինի, քան սոցիալական ցանցերի դեպքում։