Հորդանանը ավիահարված է հասցրել Սիրիայի հարավին

Սիրիայի հարավում գտնվող Սուվեյդա նահանգում Հորդանանի ավիահարվածի հետևանքով զոհվել է 11 մարդ, այդ թվում՝ կանայք և երեխաներ։ Այս մասին Ռիա Նովստիին հայտնել է տեղական աղբյուրը։

«11 մարդ, այդ թվում՝ երեխաներ և կանայք, զոհվել են Հորդանանի ավիահարվածների հետևանքով Էս-Սուվեյդա նահանգի վրա», – ասել է աղբյուրը:

Ըստ աղբյուրի՝ հրետակոծությունը տեղի է ունեցել չորեքշաբթի լույս հինգշաբթի գիշերը։ Հունվարի սկզբին ԶԼՄ-ները հաղորդում էին, որ Հորդանանի ռազմաօդային ուժերը սկսել են հարվածներ հասցնել Սիրիայում թմրանյութերի ապօրինի շրջանառության ենթադրյալ օբյեկտներին:

2023 թվականի դեկտեմբերին Հորդանանի զինված ուժերը հայտնել են, որ երկրի սահմանապահ զորքերը սահմանին 14 ժամ կռվել են Սիրիայից ժամանած մաքսանենգների զինված խմբերի հետ, որոնք փորձում էին մտնել թագավորություն։