Ազատ Ազատյանը նվաճել է ֆրանսիական բռնցքամարտի չեմպիոնի տիտղոսը
24/01/2024 20:55
![Ազատ Ազատյանը նվաճել է ֆրանսիական բռնցքամարտի չեմպիոնի տիտղոսը](https://times.am/v3/wp-content/uploads/2024/01/au-terme-du-combat-dispute-en-5x2-azat-azatyan-ofp-a-du-s-avouer-vaincu-face-au-technicien-et-champion-d-europe-junior-iden-garcia-photo-er-aymeric-humbert-1617531216-e1706115234640-1200x630.jpg)
Նմանատիպ
Հունվարի 20-ին Ֆրանսիայի Բրետան քաղաքում անցկացված ֆրանսիական բռնցքամարտի (Boxe Française) մրցաշարում հայազգի Ազատ Ազատյանը 70 կգ քաշայինների կարգում նվաճել է չեմպիոնի տիտղոսը: Այս մասին տեղեկանում ենք ֆրանսիական լրատվամիջոցներից։
«Սա պատմություն է համառության և վճռականության մասին՝ դեպի Ֆրանսիայի էլիտ B 2024-ի նորապսակ չեմպիոնի կոչումը»,- գրում են ֆրանսիական ԶԼՄ-ները։
Ազատ Ազատյանը 23 տարեկան է, Ֆրանսիայի Նանսի քաղաք է տեղափոխվել շուրջ 9 տարի առաջ՝ Հայաստանի Ուջան գյուղից: Ֆրանսիական բռնցքամարտով զբաղվում է 15 տարեկանից, 21 մարտերից 16-ում հաղթանակ է տարել: Հանդես է գալիս ՀայԱզատ (HAYAZAT) անվամբ:
Ֆրանսիական բռնցքամարտը (սավատ) կանոններով նման է քիքբոքսինգ մարտարվեստին:
Հետևեք մեզ նաև Telegram-ում