Ռուսաստանում Wildberries-ն ու Ozon-ը գերիշխող դիրք ունեն

ՌԴ Դաշնային հակամենաշնորհային ծառայությունը պարզել է, որ Wildberries-ն ու Ozon-ը գերիշխող դիրք են զբաղեցնում էլեկտրոնային առևտրի շուկայում: Ինչպես փոխանցում է ՏԱՍՍ-ը, այս մասին լրագրողներին հայտնել է ծառայության ղեկավար Մաքսիմ Շասկոլսկին։

«Մենք դեկտեմբերին ավարտեցինք այս շուկայում մրցակցության վիճակի վերլուծությունը և, բնականաբար, հաստատեցինք Wildberries-ի և Ozon-ի հավաքական գերիշխող դիրքը։ Նրանք միասին զբաղեցնում են շուկայի մոտ 80% – ը», – նշել է նա: