Միջուկային սպառնալիքը ամենաքիչը վախեցնում է Իրանի և Հայաստանի բնակիչներին
Նմանատիպ
Իրանի և Հայաստանի բնակիչներին ամենաքիչն է անհանգստացնում միջուկային սպառնալիքը։ Դրանից ամենաշատը վախենում են Ինդոնեզիայում և Նիգերիայում: Այս մասին են վկայում Gallup International-ի կողմից անցկացված «Տարվա վերջ» (End of the Year) համաշխարհային հետազոտության ընդհանուր արդյունքները։
Ինչպես հաղորդում է ՌԻԱ Նովոստին, հարցումն անցկացվել է 40 երկրում 40 հազար հարցվածների շրջանում։ Միջուկային սպառնալիքը նվազագույն համարող երկրների մեջ առաջատար են Իրանն ու Հայաստանը։ Այն, որ այս երկրներում միջուկային զենքի կիրառման ցածր հավանականություն կա, կարծում են հարցվածների համապատասխանաբար 33%-ը և 30%-ը։
Ամբողջ աշխարհում հարցվածների երկու հինգերորդն է (40%) միջուկային զենքի կիրառման ռիսկը բարձր համարում։ Գրեթե հավասար մասնաբաժինը (37%) այս ռիսկը գնահատում է չափավոր, և միայն 14%-ն է վտանգ չի տեսնում միջուկային զենքի կիրառումից։ Մնացածը դժվարացել են պատասխանել։
Այս հարցման համաձայն՝ ռուսաստանցիները միջին դիրքում են. երկրի բնակիչների 20%-ն է վտանգը բարձր համարում։
«Ռուսաստանն ընդհանուր առմամբ բավական լավատեսական վերաբերմունք է ցուցաբերում միջուկային սպառնալիքի հարցում. այսպիսով, 20%-ը նշել է, որ ռիսկը բարձր է, 40%-ը վտանգի ռիսկը միջին է համարում, իսկ 11%-ը՝ ցածր։ Միջուկային սպառնալիքի վտանգը բարձր է համարվում ամերիկացիների մեկ երրորդը (34%), միջին` 52%, իսկ ցածր` 9%»,- հաշվարկել են վերլուծաբանները:
Միջուկային զենքի կիրառման վերաբերյալ առավել ցայտուն հոռետեսական տրամադրություններն են այնպիսի երկրներում, ինչպիսիք են Ինդոնեզիան և Նիգերիան։ Այստեղ բնակչության 72% միջուկային զենքի կիրառման ռիսկը բարձր է համարում, Էկվադորում և Սիրիայում այդպես են կարծում բնակչության 69-%–ը, Արգենտինայում՝ 68-%–ը: Իտալիայում հարցվածների երկու երրորդը (67%) նույնպես միջուկային սպառնալիքի կիրառման մեծ հավանականություն է տեսնում:
