ԱՄՆ-ն հարվածել է հուսիթների հականավային հրթիռին
27/01/2024 13:36
Նմանատիպ
ԱՄՆ Զինված ուժերի կենտրոնական հրամանատարությունը X սոցցանցում հայտնել է, որ շաբաթ օրը հարված է հասցրել Եմենի հյուսիսում իշխող «Անսար Ալլա» շիական շարժման հականավային հրթիռին, որն ուղղված էր դեպի Կարմիր ծով և պատրաստ արձակման:
«Հունվարի 27- ին, մոտավորապես ժամը 3.45 – ի սահմաններում, ԱՄՆ Կենտրոնական հրամանատարության ուժերը հարված են հասցրել հուսիթների հականավային հրթիռին, որն ուղղված էր դեպի Կարմիր ծով և պատրաստ արձակման», – ասված է հրամանատարության հաղորդագրության մեջ:
Նշվում է, որ հրամանատարության ուժերը որոշել են, որ հրթիռը սպառնալիք է ներկայացնում տարածաշրջանում ԱՄՆ ռազմածովային ուժերի և առևտրային նավերի համար:
«ԱՄՆ Զինված ուժերը հարված են հասցրել և ոչնչացրել հրթիռը ինքնապաշտպանության նպատակով»,- նշվում է հաղորդագրության մեջ:
Հետևեք մեզ նաև Telegram-ում