ՌԴ-ում Տիկտոկ-ի օգտատերերը պատմել են նոր կոնտենտի հասանելիության մասին

Ռուսաստանում TikTok սոցիալական ցանցի օգտատերերի մի մասը հնարավորություն է ստացել նոր բովանդակության նյութեր հրապարակելու և դիտելու։ Այս մասին Forbes-ին հայտնել են բլոգերների հետ աշխատող մի քանի գործակալությունների ներկայացուցիչներ:

«ПЦ»  պրոդյուսերական կենտրոնի հիմնադիր Ռուստեմ Բոգդանովը, որը Ռուսաստանում զբաղվում էր TikTok-ում բլոգերների և ապրանքանիշերի առաջխաղացմամբ, խոսում է երկու ալիքների մասին, երբ պլատֆորմը «բացվեց» Ռուսաստանում: 

Նոյեմբեր-դեկտեմբեր ամիսներին տեսանյութերի և նոր կոնտենտի լրահոսի ներբեռնմանը հասանելիություն է ստացել այն օգտատերերի մի փոքր մասը, որոնք տեղադրել են հավելվածի վերջին տարբերակը, սակայն չեն դիմել սահմանափակումները շրջանցելու գործիքներին: Նա պատմում է, որ 2023-ի ամռանը իր սեփական հաշվին նոր բովանդակություն տեղական օգտատերերը դեռ չէին դիտել, սակայն նոյեմբերին Ռուսաստանը հայտնվել է տրաֆիկի կառուցվածքում։ Մինչև հունվարին նրա լսարանի մոտ 12% – ը բաժին էր ընկնում տեղական շուկային։ Սահմանափակումների վերացման երկրորդ ալիքը տեղի է ունեցել 2024 թվականի հունվարին, շարունակում Է Բոգդանովը, և առաջինի համեմատ, ըստ նրա դիտարկումների, այն ազդել է ավելի շատ օգտատերերի վրա։

Բոգդանովի խոսքով՝ 2023 թվականի վերջին-2024 թվականի սկզբին օգտատերերի մի մասի համար բացվել է նաև TikTok-ում թիրախավորված գովազդ գործարկելու հնարավորությունը։