Մեծ Բրիտանիան կունենա ամենաբարձր գնաճը G7 երկրների շարքում

Ակնկալվում է, որ Մեծ Բրիտանիան կունենա ամենաբարձր գնաճը G7 երկրների շարքում 2024 թվականին, ասվում է Տնտեսական համագործակցության և զարգացման կազմակերպության (ՏՀԶԿ) փետրվարյան տնտեսական զեկույցում։

ՏՀԶԿ-ն կանխատեսում է, որ 2024 թվականին Մեծ Բրիտանիայի գնաճը կկազմի 2,8 տոկոս: Ակնկալվում է, որ հաջորդը Ֆրանսիան է (2,7%), երրորդ տեղը կիսում են Գերմանիան, Կանադան և Ճապոնիան (2,6%): ԱՄՆ-ում գների աճը կկազմի 2,2%, իսկ G7 երկրներից ամենացածր գնաճը կանխատեսվում է Իտալիայում (1,8%)։

Այնուամենայնիվ, ՏՀԶԿ-ի կանխատեսումների համաձայն՝ Բրիտանիան նույնիսկ 2025 թվականին չի կարողանա հասնել գնաճի 2 տոկոս թիրախին։ Ակնկալվում է, որ այն կկազմի 2,4 տոկոս։

Ուկրաինայում ռուսական հատուկ գործողության մեկնարկից հետո Արևմուտքը մեծացրել է պատժամիջոցների ճնշումը Ռուսաստանի վրա։ Մատակարարման շղթաների խաթարումը հանգեցրել է վառելիքի և սննդամթերքի գների բարձրացմանը Եվրոպայում և ԱՄՆ-ում: Կյանքի թանկացումը հարվածել է միլիոնավոր տնային տնտեսությունների: