Ամերիկացի զինվորականները հայտարարել են, որ Ալյասկայի մոտ 4 ռուսական ինքնաթիռ են նկատել

Հյուսիսային Ամերիկայի ՀՕՊ հրամանատարությունը հայտարարել է, որ փետրվարի 6-ին Ալյասկայի մերձակայքում միջազգային օդային տարածքում հայտնաբերել և հետևել է չորս ռուսական ռազմական ինքնաթիռների:

«NORAD-ը հայտնաբերել և հետևել է չորս ռուսական ռազմական ինքնաթիռ Ալյասկայի ՀՕՊ նույնականացման գոտում 2024 թվականի փետրվարի 6-ին», – ասվում է NORAD-ի հայտարարության մեջ X սոցիալական ցանցում: Նշվում է, որ ռուսական ռազմական ինքնաթիռները «մնացել են միջազգային օդային տարածքում և չեն մտել Կանադայի կամ ԱՄՆ-ի ինքնիշխան օդային տարածք»:

Հրամանատարությունը հավելել է, որ Ալյասկայի ՀՕՊ գոտում «ռուսական գործունեությունը» տեղի է ունենում կանոնավոր կերպով և սպառնալիք չի համարվում։ Ռուսաստանի Դաշնության պաշտպանության նախարարությունը բազմիցս նշել է, որ ռուսական ինքնաթիռները թռչում են չեզոք ջրերի վրայով օդային տարածքի օգտագործման միջազգային կանոններին համապատասխան՝ առանց օդային ուղիները հատելու կամ օտարերկրյա պետության ինքնաթիռներին վտանգավոր մոտենալու։