Telegram ալիքների սեփականատերերը կսկսեն ստանալ գովազդային եկամուտների մինչև 50%-ը

Telegram ալիքների սեփականատերերը 2024 թվականի մարտից կստանան գովազդային եկամուտների մինչև 50%-ը, ասել է Telegram-ի հիմնադիր Պավել Դուրովը։ Նա պարզաբանել է, որ միջոցների փոխանցումը կիրականացվի TON բլոկչեյնի միջոցով։ Համապատասխանաբար, Telegram ալիքների սեփականատերերը եկամուտ կստանան տոնքոինի տեսքով՝ կրիպտոարժույթ, որն օգտագործվում է Բաց ցանցում։

«Մարտին Telegram գովազդային հարթակը պաշտոնապես բաց կլինի բոլոր գովազդատուների համար գրեթե 100 նոր երկրներում։ Այս երկրներում ալիքների սեփականատերերը կսկսեն ստանալ ցանկացած եկամուտի 50%-ը, որը Telegram-ը ստանում է իր ալիքներում գովազդ ցուցադրելուց»,- ասել է Դուրովը։ Նա հավելել է, որ ալիքների սեփականատերերը կկարողանան կա՛մ կանխիկացնել այդ միջոցները, կա՛մ վերաներդնել դրանք իրենց ալիքները խթանելու և արդիականացնելու համար:

Դուրովը նշել է, որ Telegram ալիքները ամսական հավաքում են 1 տրիլիոն դիտում։ «Ներկայումս այս դիտումների միայն 10%-ն է դրամայնացվում Telegram Ads-ի միջոցով, որը խթանման գործիք է ու նախագծված է գաղտնիության պահպանման համար», – ասել է նա:

Դուրովի ուղերձից հետո տոնքոինի արժեքը կտրուկ աճել է՝ 11,47%-ով, կազմելով 223,57 ռուբլի, ըստ Coinbase-ի տվյալների։