James Webb տիեզերական աստղադիտակը լուսանկարել է ամենահին «մեռած գալակտիկան»

James Webb տիեզերական աստղադիտակը՝ ԱՄՆ Ազգային ավիացիայի և տիեզերական գործակալության (NASA) ուղեծրային ինֆրակարմիր աստղադիտարանը, լուսանկարել է ամենահեռավոր և ամենահին «մեռած գալակտիկայի» պատկերը, որը կարող է փոխել Տիեզերքի ձևավորման տեսությունները:

James Webb աստղադիտակի նկարներն ուսումնասիրելուց հետո գիտնականները պարզել են, որ աստղերի ձևավորումը «մեռած գալակտիկայում», որը ենթադրվում է, որ գոյություն է ունեցել 13,8 միլիարդ տարվա վաղեմության տիեզերքի ձևավորումից 700 միլիոն տարի անց, հանկարծակի դադարեցվել է, հայտնում է CNN-ը:

Հետազոտողները նշում են, որ JADES-GS-z7-01-QU կոչվող գալակտիկայի ուսումնասիրությունը, որը «ապրում է արագ և երիտասարդ է մահանում», կարող է նոր տեղեկություններ բացահայտել տիեզերքի վաղ փուլերի և գալակտիկաներում աստղերի ձևավորման վրա ազդող գործոնների մասին:

Գիտնականներին հաջողվել է պարզել, որ, ի տարբերություն նախկինում դիտարկված մեծ մեռած գալակտիկաների, «մեռած գալակտիկան»՝ Երկրից միլիարդավոր լուսային տարի հեռավորության վրա, փոքր զանգված է, ինչպես «Մագելանի փոքր ամպը» Ծիր Կաթին Գալակտիկայի մոտ, որտեղ դեռևս նկատվում է նոր աստղերի ձևավորում։