Բիթքոյնի գինը գերազանցել է 70 հազար դոլարը
09/03/2024 14:43
Նմանատիպ
Ըստ Coindesk հարթակի տվյալների, մարտի 8-ին կայացած աճուրդում բիթքոյնի գինը բարձրացել է 70 հազար դոլարից և սահմանել նոր պատմական ռեկորդ: Կրիպտոարժույթը առավելագույնը վաճառվում էր 70136 դոլարով, ավելի ուշ բիթքոյնը սկսեց անկում ապրել:
Նախորդ ռեկորդը սահմանվել էր այս շաբաթվա սկզբին, մարտի 5-ին կրիպտոարժույթի գինը բարձրացավ մինչև 69,208 դոլար, մինչ այդ առավելագույնը գրանցվել էր 2021 թվականի նոյեմբերին, երբ բիթքոյնն արժեր գրեթե 69,000 դոլար:
Տարեսկզբից բիթքոյնը թանկացել է ավելի քան 55%-ով։ Կրիպտոարժույթի հզորությունը պայմանավորված է ներդրողների հետաքրքրությամբ և մտավախությամբ, որ տոկոսադրույքները կարող են իջնել, «որը հաճախ ներդրողներին դրդում է կապիտալը վերահղել դեպի ավելի բարձր եկամտաբեր ակտիվներ», գրում է Reuters-ը:
Հետևեք մեզ նաև Telegram-ում