Indian Reliance-ը հրաժարվել է Ռուսաստանից նավթ մատակարարել Sovcomflot տանկերով. Reuters

Reliance Industries-ը՝ Հնդկաստանի նավթավերամշակման խոշորագույն օպերատորը, հրաժարվել է Ռուսաստանից նավթ մատակարարել Sovcomflot տանկերով այն բանից հետո, երբ նրա նկատմամբ ԱՄՆ պատժամիջոցներ են սահմանվել, հայտնում է Reuters-ը՝ վկայակոչելով նավթարդյունաբերության և երկրի կառավարության աղբյուրները: Գործակալությունը հարցումներ է ուղարկել Sovcomflot-ին և Reliance-ին, ինչպես նաև Հնդկաստանի նավթի և բեռնափոխադրումների նախարարություններին:

2024 թվականի փետրվարին Միացյալ Նահանգները պատժամիջոցներ սահմանեց Sovcomflot-ի և ռուսական նավթի փոխադրման մեջ ներգրավված 14 տանկերի նկատմամբ։ Գործակալության երկու զրուցակիցների խոսքով՝ ռուսական Urals նավթի խոշոր գնորդ Reliance-ը պահանջել է, որ նոր մատակարարումները չկատարվեն Sovcomflot-ի կողմից կառավարվող լցանավերով։ Հնդկական այլ նավթավերամշակող ձեռնարկություններ նույնպես ծրագրում են դադարեցնել Sovcomflot տանկերի օգտագործումը, ինչը կարող է ազդել ռուսական նավթի ներմուծման վրա Հնդկաստան, ասել են հնդկական կառավարության և վերամշակման ոլորտի երեք աղբյուրներ:

Reuters-ի զրուցակիցների խոսքով՝ ռուսական նավթի հնդիկ գնորդներն այսպիսով փորձում են խուսափել Վաշինգտոնի պատժամիջոցներից և «առանձնահատուկ զգուշություն» են ցուցաբերում՝ բանկերի և ԱՄՆ իշխանությունների կողմից ռուսական նավթային գործարքների նկատմամբ վերահսկողությունը խստացնելու պատճառով։