Հայ-ադրբեջանական սահմանին արտասովոր տեղաշարժ չի նկատվել. ԵՄ դիտորդներ
![Հայ-ադրբեջանական սահմանին արտասովոր տեղաշարժ չի նկատվել. ԵՄ դիտորդներ](https://times.am/v3/wp-content/uploads/2024/03/ԵՄ-4-e1711890255630-1200x630.jpg)
Նմանատիպ
ԵՄ դիտորդական առաքելությունն արձանագրում է` հայ-ադրբեջանական սահմանին իրավիճակը հանգիստ է:
«ԵՄ դիտորդական առաքելությունն ամբողջ օրը պարեկություն է կատարել հայ-ադրբեջանական սահմանի երկայնքով, ամեն ինչ հանգիստ է, արտասովոր տեղաշարժ չի նկատվել»,- ասվում է դիտորդական առաքելության «X»-ի միկրոբլոգում:
Միաժամանակ, առաքելությունը խաղաղ Զատիկ է մաղթել բոլորին:
Հիշեցնենք` Ադրբեջանը հերթական ապատեղեկատվությունն էր տարածել, որին արձագանքել էր ՀՀ պաշտպանության նախարարությունը` ընդգծելով, որ սահմանին իրավիճակը կայուն է:
«Ադրբեջանի պաշտպանության նախարարության տարածած հաղորդագրությունն այն մասին, թե իբր Հայաստանի Հանրապետության զինված ուժերը սահմանագոտու տարբեր ուղղություններում անձնակազմի, զրահատեխնիկայի, հրետանային և կրակային այլ միջոցների կուտակումներ, ակտիվ տեղաշարժեր են իրականացնում, չի համապատասխանում իրականությանը»,- նշել էին ՊՆ-ից:
Հետևեք մեզ նաև Telegram-ում