Իրանը կպատժի Իսրայելին՝ Դամասկոսում ԻԻՀ-ի հյուպատոսությանն ավիահարվածներ հասցնելու համար

Իրանը, իրեն վերապահելով պատասխան միջոցներ ձեռնարկելու իրավունքը, ինքը որոշում կկայացնի ագրեսորին արձագանքելու և պատժելու եղանակի վերաբերյալ: Այս մասին հայտարարել է Իրանի ԱԳՆ պաշտոնական ներկայացուցիչ Նասեր Քանանին։ Այս մասին հայտնում է Irna-ն։ ։

Խստորեն դատապարտելով Դամասկոսում Իրանի հյուպատոսությանը հասցված դաժան հարվածը ՝ Քանանին Իսրայելի հարձակումն անվանել է դիվանագիտական հարաբերությունների մասին Վիեննայի կոնվենցիայի աղաղակող խախտում:

Իրանի ԱԳՆ ներկայացուցչի խոսքով՝ այդ գործողությունը պետք է ամենավճռական ձևով դատապարտվի միջազգային հանրության և ՄԱԿ-ի կողմից, և ագրեսորի դեմ պետք է ձեռնարկվեն անհրաժեշտ միջոցներ:

Քանանին հավելել է, որ Դամասկոսում Իրանի հյուպատոսության վրա հարձակման մասշտաբները հետաքննվում են, և հարձակման պատասխանատվությունը կրում է Իսրայելը:

Բացի այդ, Իրանի արտաքին գործերի նախարար Հոսեյն Ամիր Աբդոլլահիանը Դամասկոսում Իրանի հյուպատոսության շենքի վրա հարձակումները որակել է միջազգային բոլոր պարտավորությունների և կոնվենցիաների խախտում: Աբդոլլահիանը նշել է, որ անհրաժեշտ է «միջազգային հանրության կոշտ արձագանքը նման հանցավոր գործողություններին»։

Դամասկոսում Իրանի հյուպատոսության հարձակման փաստին անդրադարձել է նաև Ռուսաստանը։ Ինչպես հայտնել է ՄԱԿ-ում ՌԴ մշտական ներկայացուցչի տեղակալ Դմիտրի Պոլյանսկին Telegram ալիքում, Մոսկվան խնդրել է Անվտանգության խորհրդի բաց նիստ անցկացնել հարձակման վերաբերյալ։ Այն նախատեսված է ապրիլի 2-ին ժամը 15:00-ին (Երևանի ժամանակով 23:00-ին):

Հայտարարությամբ է հանդես եկել նաև Սաուդյան Արաբիայի ԱԳՆ-ն, դատապարտելով Դամասկոսում Իրանի հյուպատոսության վրա հարձակումը, նշելով, որ անընդունելի է ցանկացած հարձակում, որն իրականացվում է դիվանագիտական ներկայացուցչության վրա։

Նշենք, որ երկուշաբթի օրը Սիրիայի պաշտպանության նախարարությունը հայտնել է, որ Դամասկոսում Իրանի հյուպատոսության շենքն ամբողջությամբ ավերվել է Իսրայելի ավիահարվածի հետևանքով։ Իրանի Իսլամական հեղափոխության պահապանների կորպուսը հաստատել է, որ իր երկու գեներալները և ԻՀՊԿ-ի հինգ այլ սպաներ սպանվել են հարվածի հետևանքով: