Էրդողանն Իսրայելին մեղադրել է տարածաշրջանային նոր հակամարտություն հրահրելու փորձի մեջ

Թուրքիայի նախագահ Ռեջեփ Թայիփ Էրդողանն Իսրայելին մեղադրել է Մերձավոր Արևելքում տարածաշրջանային նոր հակամարտություն հրահրելու փորձի մեջ:

«Իսրայելի վարչապետ Բենիամին Նեթանյահուն և երկրի ղեկավարությունը լիովին պատասխանատվություն պիտի կրեն Մերձավոր Արևելքում լարվածության աճի համար: Իսրայելը փորձում է հրահրել տարածաշրջանային հակամարտություն։ Դամասկոսում Իրանի դեսպանատան վրա հարձակումը վերջին կաթիլն էր», – ասել է Էրդողանը:

Վերջինս նաև քննադատել է Արևմուտքին Իրանի քայլերը դատապարտելու համար:

Էրդողանը կարծում է, որ նոր տարածաշրջանային հակամարտությունները հավանական են այնքան ժամանակ, քանի դեռ Գազայի հատվածում շարունակվում է դաժանությունն ու ցեղասպանությունը։