Եթե Հայաստանի Սահմանադրությունը չփոխվի, խաղաղության պայմանագիր չի կնքվի․ Ալիև

Ադրբեջանի նախագահ Իլհամ Ալիևը նորից նախապայման է առաջ քաշել՝ կրկնել է Հայաստանի սահմանադրությունը փոխելու պահանջը, որը նախկինում էլ է հնչեցրել։

«Եթե ​​Հայաստանի Սահմանադրությունը չփոփոխվի, Հայաստանի և Ադրբեջանի միջև խաղաղության համաձայնագրի կնքումն ուղղակի անհնար կլինի»,- ասել է Ալիևը՝ Թյուրքական պետությունների խորհրդարանական վեհաժողովի անդամ երկրների խորհրդարանների նախագահների հետ հանդիպման ժամանակ։

Ալիևը նշել է, թե Հայաստանը սահմանադրությամբ ամրագրված կետով «տարածքային պահանջներ ունի Ադրբեջանից», ինչը, նրա խոսքով, անընդունելի է։