Ինչպե՞ս խուսափել սմարթֆոնի գերտաքացումից․ խորհուրդներ մասնագետից

Շոգ եղանակին՝ մասնավորապես 30 աստիճանից բարձր ջերմաստիճանի պայմաններում, սմարթֆոնները զգալի խոցելի են դառնում։

«Երբ օդի ջերմաստիճանը 30 աստիճան է և դրանից բարձր, սմարթֆոնները կարող են տաքանալ մինչև 50-60 աստիճան, ինչի հետևանքով կարող են վնասվել հեռախոսի մասերը, իսկ արագագործությունը՝ նվազել։ Ուլտրամանուշակագույն ճառագայթների ազդեցությամբ կարող է նաև խամրել էկրանի մատրիցան և պայծառությունն ընկնել»,-«Պրայմ» գործակալության հետ զրույցում այդ մասին ասել է «Ռոսկաչեստվո» ծառայության թվային փորձաքննության կենտրոնի ղեկավար Սերգեյ Կուզմենկոն։

Խնդիրներից հնարավորինս խուսափելու համար Կուզմենկոն մի քանի խորհուրդներ է տվել․ 

1․ խուսափել ոչ օրիգինալ լիցքավորիչների և մասերի օգտագործումից՝ մարտկոցի գերտաքացումից խուսափելու համար,

2․ անջատել Bluetooth-ը, Wi-Fi-ն ու GPS-ը, եթե դրանք տվյալ պահին պետք չեն,

3․  չխաղալ գրաֆիկական մեծ ծանրաբեռնվածութւն ենթադրող խաղեր։

4․ լիցքավորման ժամանակ լիցքավորիչը չդնել ստվերում, փակել բոլոր հավելվածները և կողպել էկրանը։ 

Գերտաքացումից խուսափելու համար կարելի է նաև օգտագործել լիցքավորիչ, որն ունի ավելի ցածր հզորություն և սահմանափակել լիցքավորման մակարդակը մինչև 70-80%:

Մասնագետի խոսքով՝ սմարթֆոնը հովացնելու ամենահեշտ ձևն այն ավելի քիչ օգտագործելն է: Եթե ​​դա հնարավոր չէ, ապա կարելի է միացնել էներգախնայողության ռեժիմը։