Չինաստանում կկառուցվի ամենամեծ արևային կայանն աշխարհում

China Three Gorges Renewables Group ընկերությունը հայտարարել է 8 ԳԲթ հզորությամբ արևային կայան կառուցելու մտադրության մասին։ Այդ մասին հաղորդում է Electrek պարբերականը։

Նախագծի ընդհանուր արժեքը 11 մլրդ է և նախատեսվում է, որ այն պետք է ամբողջությամբ ապահովի Պեկին-Տյանցզին-Խեբեյ շրջանն էլեկտրաէներգիայով։ Շինարարությունը պետք է սկսվի ընթացիկ տարվա սեպտեմբերին և ավարտվի 2027թ․։

Ներկա դրությամբ գոյություն ունեցող աշխարհում ամենահզոր երեք արևային կայանները՝ յուրաքանչյուրը  շուրջ 3 ԳԲթ հզորությամբ, բոլորն էլ տեղակայված են Չինաստանում։

Նոր արևային կայանները կկառուցվեն Չինաստանի հյուսիսային մասում գտնվող Ներքին Մոնղոլիա նահանգում։

Բացի այդ, նախատեսվում է կառուցել նաև 4 ԳԲթ հզորությամբ հողմակայան, Արևի ջերմային էներգիայի հավաքման համալիր՝ 200 ՄՎթ հզորությամբ, ինչպես նաև 4 ԳԲթ հզորությամբ ածուխային էլեկտրակայան։

Նշված կայանները շահագործման կհանձնվեն China Three Gorges Renewables-ի և Inner Mongolia Energy Group-ի կողմից՝ 2027թ․ հունիսին։