Տելեգրամում նոր գործառույթներ են ավելացել

Telegram հարթակը մշակողները թողարկել են մեսենջերի բետա տարբերակը՝ Android հեռախոսների համար։ Թարմացված տարբերակում ավելացվել են գործառույթներ, որոնք շուտով հասանելի կլինեն հավելվածում։ Այդ մասին հաղորդում է «Код Дурова» հարթակը։

Հիմնական փոփոխություններից մեկը մինի-հավելվածների կատալոգը կլինի․ որոնման տեղում կհայտնվի նոր ներդիր՝ մինի-հավելվածների համար, որտեղ օգտատերերը կկարողանան փնտրել վեբ ծրագրեր և խաղեր՝ համապատասխան անվանումը մուտքագրելով։

Telegram-ում վերջերս հայտնված ներկառուցված դիտարկիչը նույնպես կթարմացվի։ Օգտատերերը կկարողանան միաժամանակ բացել մի քանի էջեր, դիտել պատմությունները, ստեղծել էջանշաններ, ինչպես նաև ղեկավարել քեշերը և cookie ֆայլերը։

Օգտատերերը նաև հնարավորություն կունենան իրենց պատմություններում ավելացնելու եղանակին վերաբերող ստիկերներ՝ համապաատսխան ջերմաստիճանով և իրենց պրոֆիլների վիդեոպատմությունների համար ընտրելու շապիկներ։