Թուրքիայի ու Սիրիայի հատուկ ծառայությունները նախապատրաստում են նախագահների հանդիպումը․ ԶԼՄ-ներ

Թուրքիայի ու Սիրիայի հատուկ ծառայությունները վերջին ամսում  երեք փուլով բանակցություններ են անցկացրել՝ կապված երկկողմ հարաբերությունների կարգավորման և 2011թ․ հետո երկու երկրների նախագահների առաջին հանդիպման նախապատրաստության հետ։ Այդ մասին հաղորդում է Turkiye  թերթը՝ հղում անելով իր աղբյուրներին։

«Ի սկզբանե որպես Էրդողանի և Ասադի հնարավոր հանդիպման  վայր՝ շրջանառվում էր Իրաքը, իսկ հիմա Անկարան դիտարկում է սահմանային Քեսաբը։

Գործընթացը զարգանում է, երկու երկրների ղեկավարները համատեղ լուսանկար կունենան առնվազն օգոստոսին»,-գրում է թերթը։

Թուրքական ԶԼՄ-ները բազմիցս են գրել մոտակա ժամանակներս Էրդողանի և Ասադի հնարավոր հանդիպման մասին՝ դիտարկելով նաև Մոսկվայի տարբերակը։

ՌԴ նախագահի նախագահի մամուլի խոսնակ Դմիտևի Պեսկովը, մեկնաբանելով Daily Sabah-ի հուլիսի 22-ի հրապարակումը, հաղորդել է, որ Թուրքիայի ու Սիրիայի ղեկավարների միջև կապի ստեղծումը Մոսկվայի օրակարգում է։