Մոտ ժամանակներս Apple-ի սարքավորումները հնարավոր է ապակոդավորվեն «սրտի ռիթմով»

Apple ընկերությունը պատրաստվում է իր սարքավորումների կենսաբանական նույնականացման միջոցները ևս մեկով համալրել։ FaceID-ի և Touch ID-ի ներմուծումից հետո փորձարկվում է հեռախոսն ապակոդավորելու ևս մեկ տեխնոլոգիա, որն աշխատում է մարդու սրտի ռիթմով։

Դա ենթադրում է, որ iPhone-ներում ներդրվելու է տվիչ, որը որոշելու է օգտատիրոջ սրտի աշխատանքը։ Դա թույլ կտա նույնականացնել հեռախոսի տիրոջը՝ ընդամենը ձեռքին ունենալով Apple Watch-ը։

Apple-ից օգտվողներն արդեն կարող են ապակոդավորել իրենց  Mac-երը՝ կրկնակի սեղմելով Apple Watch-ի կողային ստեղներին։ Դա անելու դեպքում ավտոմատ ներմուծվում է գաղտնաբառը՝ ազատելով օգտատիրոջն այն ձեռքով ներմուծելուց։

Նոր մոդուլը նաև կորոշի օգտատիրոջ տրամադրությունը՝ վերլուծելով էխոսրտագրության տվյալները։

Որոշ դեպքերում էլեկտրոնային սարքավորումը կարող է որոշել օգտատիրոջ էմոցիոնալ վիճակը՝ սրտից ստացվող ազդանշանների օգնությամբ, և տրամադրել համապատասխան տեղեկություն»,-ասված է պատենտի մասին՝ ընկերության տարածած հաղորդագրության մեջ։