Xiaomi-ի նոր սմարթֆոնները կհայտնաբերեն թաքնված տեսախցիկները

Xiaomi-ի նոր մոդելները կունենան տեսահսկումից պաշտպանելու գործառույթ։ Ինչպես հաղորդում է XiaomiTimе բլոգը, թաքնված տեսախցիկները հայտնաբերելու գործառույթը հասանելի կլինի  HyperOS 2.0 օպերացիոն համակարգում, որոնք կտեղադրվեն  Xiaomi-ի նոր սմարթֆոններում։

Որպես կանոն, տեսախցիկների մեծ մասը միացված է լինում Wi-Fi՝ անլար ցանցին և տվյալները փոխանցում են սերվերին: Ենթադրաբար, սմարթֆոնն անլար ցանցի ազդանշանները վերլուծելու միջոցով «պարզելու» է տեսախցիկ կա՞, թե՞՝ ոչ։  

Նոր գործառույթը հնարավոր կլինի ակտիվացնել սմարթֆոնի կարգավորումներից՝ բացելով հատուկ հավելվածը և սեղմելով «Սկսել սքանավորումը» կոճակը:

XiaomiTime-ի մասնագետները նշել են, որ նոր գործառույթն օգտակար կլինի առանձնապես ճանապարհորդների համար, որոնք հաճախ են փոխում իրենց բնակության վայրը և մտահոգված են անձնական կյանքի գաղտնիությամբ։