Ադրբեջանի ԶՈւ-ն «Սմերչ»-ի կիրառմամբ զորավարժություններ է անցկացրել

Ադրբեջանի բանակի հրթիռահրետանային զորքերը «Սմերչ» համազարկային կրակի ռեակտիվ համակարգի կիրառմամբ մարտական պատրաստության զորավարժանքներ են անցկացրել: Ինչպես փոխանցում են ադրբեջանական լրատվամիջոցները, այդ մասին հայտնել է երկրի Պաշտպանության նախարարությունը։

Ըստ հաղորդագրության՝ ստորաբաժանումները կատարել են կրակային դիրքերը փոփոխելու, կոորդինատները տեղորոշելու և մարտում պայմանական հակառակորդի թիրախները ոչնչացնելու առաջադրանքներ:

Հիշեցնենք, որ օրեր առաջ Ադրբեջանի ԶՈՒ ՀՕՊ ստորաբաժանումներ նույնպես հատուկ մարտավարական վարժանքներ են անցկացրել: