Ինչ զինատեսակներ են ներառված Կիևին տրամադրվելիք օգնության նոր փաթեթում

ԱՄՆ նախագահ Ջո Բայդենը Վլադիմիր Զելենսկու հետ հեռախոսազրույցի ժամանակ խոսել է հայտարարված ռազմական օգնության նոր փաթեթի բովանդակության մասին։ Այս մասին փոխանցում է Սպիտակ տունը։

«Կայացած զրույցի ընթացքում ԱՄՆ նախագահը հայտնել է, որ ավելի վաղ հայտարարված օգնության նոր փաթեթի շրջանակներում Կիևին կփոխանցվեն հակաօդային պաշտպանության հրթիռներ՝ երկրի կրիտիկական ենթակառուցվածքը պաշտպանելու համար, հակատանկային սարքավորումներ և հակատանկային հրթիռներ, ինչպես նաև ռազմամթերք՝ առաջնագծում զինվորներին պաշտպանելու համար և շարժական հրթիռային կայանքներ»,-ասված է ԱՄՆ նախագահի Ազգային անվտանգության խորհրդի հայտարարության մեջ: