Արմենը Աշոտյանը դուրս է եկել «Նուբարաշեն» ՔԿՀ-ից

ՀՀԿ փոխնախագահ Արմեն Աշոտյանը դուրս է եկել «Նուբարաշեն» քրեակատարողական հիմնարկից՝ 454 օր անազատության մեջ մնալուց հետո։

Վերաքննիչ հակակոռուպցիոն դատարանի դատավոր Վահե Դոլմազյանը սեպտեմբերի 10-ին որոշել էր Աշոտյանի կալանքը փոխարինել համակցված այլ խափանման միջոցներով` գրավով ու տնային կալանքով։ Դատարանի նշանակած 25 մլն դրամ գրավը պետք է վճարվեր 2 օրվա ընթացքում, ինչն արդեն արվել է։

Աշոտյանին «Նուբարաշեն» քրեակատարողական հիմնարկից դուրս են բերել ՔԿՀ մեքենայով։