Վրաստանի հետ սահմանի 2/3 մասը համաձայնեցված է․ Ադրբեջանի ԱԳՆ ներկայացուցիչ

Ադրբեջանն ու Վրաստանը համաձայնեցրել են ընդհանուր սահմանի ⅔ մասը։  РИА новости-ի փոխանցմամբ՝ այսօր լրագրողների հետ ճեպազրույցում նման հայտարարություն ՝ արել Ադրբեջանի ԱԳՆ մամուլի քարտուղար Այխան Գաջիզադեն։

«1996թ-ից գործող հանձնաժողովն աշխատում է երկու երկրների միջև սահմանազատմամբ, և մինչև հիմա սահմանի ⅔-րդն է հաջողվել համաձայնեցնել։ Մենք գտնում ենք, որ ադրբեջանա-վրացական սահմանի հետ կապված վիճելի հարցեր չկան․ կան միայն չհամաձայնեցված հարցեր և դա բնական է»,-ասել է ադրբեջանցին։

Գաջիզադեն նաև ասել է, թե սահմանային գի]ը պետք է այնպես որոշվի, որ հետո դրան վերադառնալու խնդիր չլինի։ 

Ներկա դրությամբ, ըստ ադրբեջանցու, շարունակում են աշխաтել սահմանազատման ուղղությամբ։

Աղբյուրը նշում է, որ Վրաստան-Ադրբեջան սահմանի երկարությունը 480 կմ է։ Սահմանագծումն ու սահմանազատումն սկսվել է 1996թ․՝ երկկողմ միջկառավարական հանձնաժողովների կողմից։