Ադրբեջանը դժվարությամբ է բավարարում բենզինի ներքին պահանջարկը
Նմանատիպ
Ադրբեջանի պետական նավթային ընկերությունը (SOCAR) չի կարող բենզին մատակարերլ Ղազախստան` դրա համար անհրարժեշտ ծավալներ չունենալու պատճառով: Այս մասին ադրբեջանական ԶԼՄ-ներին հայտնել է SOCAR-ի աղբյուրը:
Աղբյուրը նշել է, որ SOCAR-ի հիմնական խնդիրը նախ և առաջ նավթամերքներով ներքին պահանջարկի բավարարումն է:
«Մենք բենզինի ազատ ծավալներ չունենք Ղազախստանին վառելիք մատակարարելու առաջարկը բավարարելու համար: Արտահանվել կարող է միայն ավտոմոբիլային բենզինի ավելցուկը: Այսօրվա դրությամբ նման ծավալներ չկան Ադրբեջանում, և երկրում արտադրվող ամբողջ բենզինը, գործանականորեն, մատակարարվում է ներքին շուկա», -նշել է աղբյուրը:
Ղազախստանի էներգետիկայի առաջին փոխնախարար Ուզաքբայ Կարաբալինը հայտարարել է, որ երկրում վառելիքա-քսուկային նյութերի պակասը լրացնելու համար «ՂազՄունայԳազ» ազգային ընկերությունը դիտարկում է Ադրբեջանից և Թուրքմենստանից բենզին ներկրելու հնարավորությունը:
Հետևեք մեզ նաև Telegram-ում
