Նիկոլ Փաշինյանը և Ալեն Սիմոնյանը մտադիր են մասնակցել Մայր Տաճարի վերաօծման արարողությանը

ՀՀ վարչապետ Նիկոլ Փաշինյանը և Աժ նախագահ Ալեն Սիմոնյանը, այս պահին, որոշել են մասնակցել Մայր Տաճարի վերաօծման արարողությանը: «Փաստինֆո»-ին այդ մասին ասել են քպամերձ շրջանակները։

Ալեն Սիմոնյանի խոսնակ Մովսես Հարությունյանի «Փաստինֆոյի» հետ զրույցում հրաժարվեց որևէ մեկնաբանություն տալ։ «Մասնակցության որոշման մասին ըստ անհրաժեշտության կտեղեկացնեն լրատվամիջոցներին»,-հայտնեց նա։

Հիշեցնենք, որ Մայր Աթոռ Սուրբ Էջմիածնում սեպտեմբերի 28-ին՝ ժամը 17։00-ին, տեղի կունենա Մյուռոնօրհնության արարողություն Սուրբ Տրդատի բաց խորանում, սեպտեմբերի 29-ին՝ ժամը 10։30-ին նախատեսված է Մայր Տաճարի վերաօծման արարողություն:

Մայր Աթոռից հայտնել են, որ ՀՀ իշխանություններին եւս հրավեր ուղարկել են մասնակցելու Մայր Տաճարի վերաօծմանը՝ ավելացնելով, որ դա ամենեւին չի նշանակում, որ հրաժարվել են իրենց գնահատականներից ու հրաժարականի մասին հայտարարությունից։