Ընդդիմությունը մարդու իրավունքների պաշտպանի մասին ունի իր պատկերացումները, իշխանությունն՝ իր․ Նիկոլ Փաշինյան
Նմանատիպ
Ընդդիմությունը մարդու իրավունքների պաշտպանի մասին ունի իր պատկերացումները, որոնք ունեն յուրահատկություններ ու առանձնահատկություններ, իշխանությունն էլ ունի իր պատկերացումը, որը նույնպես ունենում է յուրահատկություններ ու առանձնահատկություններ, ՄԻՊ հիմնադրման 20-ամյակին նվիրված միջազգային համաժողովի ժամանակ հայտարարեց վարչապետ Նիկոլ Փաշինյանը։
«Բայց ես ուզում եմ ընդգծել, որ ՀՀ կառավարության համար ՄԻՊ-ի ինստիտուի անկախությունը չափազանց կարևոր է»,- ասաց նա։
Վարչապետն ընդգծեց, թե ժողովրդավարությամբ առաջնորդվող կառավարության համար այդ ինստիուտի անկախությունը չի կարող կարևոր չլինել։
«Մի պարզ պատճառով՝ երբեմ կառավարող թիմը, տարբեր մարմիններ կարող են շատ նրբություններ չնկատել, որովհետև այնպիսի տպավորություն է, որ իշխանությունը բոլորին ամենուր վերահսկելու հնարավորություն ու ցանկություն ունի, բայց դա, իրականում, այդքան էլ այդպես չէ, իշխանությունը երբեմն իր գործունեության արդյունքերի ու հետևանքների մասին այլ՝ անկախ աղբյուրներից ազդակներ ստանալու անհրաժեշտություն ունի, մանավանդ այն պարագայում, երբ խոսքը վերաբերվում է մարդու իրավունքներին, ազատությանը, արդարությանը, օրինականությանը»,- նշեց նա։
Հետևեք մեզ նաև Telegram-ում