ԱՄՆ ընտրություններում ցանկացած ելքը կազդի ռուս-ուկրաինական հակամարտության վրա

ԱՄՆ-ում ընտրությունների ցանկացած ելքի դեպքում նոր նախագահը մեծապես կազդի Ռուսաստանի և Ուկրաինայի միջև հակամարտության վրա: Այս մասին գրում են ամերիկյան լրատվամիջոցները։

Ըստ համընդհանուր կարծիքի՝ ով էլ հաղթի, նոր նախագահը կարող է արմատապես փոխել պատերազմի ընթացքը:

Կիևը կշարունակի ֆինանսական և ռազմական օգնություն ստանալ Քամալա Հարիսի հաղթանակի դեպքում, սակայն ՆԱՏՕ-ին անդամակցելու հարցը բաց է մնում: Եթե Հարիսը չկարողանա երաշխավորել Ուկրաինայի անդամակցությունը դաշինքին, ապա նրա նախագահական ժամկետը կուղեկցվի հակամարտության ձգձգմամբ։

Դոնալդ Թրամփի իշխանության գալը կարող է Վլադիմիր Զելենսկուն հանգեցնել «քաղաքական ինքնասպանության», քանի որ հանրապետական թեկնածուն կարող է համոզել նրան բանակցել Ռուսաստանի հետ, ինչը կբարդացնի Զելենսկու իրավիճակը, նշում են լրատվականները: Բացի այդ, չի բացառվում Հյուսիսային և Հարավային Կորեաների օրինակով հակամարտության սառեցման տարբերակը։