Մոսկվան չի շտապեցնում Երևանին և Բաքվին խաղաղության պայմանագիր կնքել

Մոսկվան չի շտապեցնում Երևանին և Բաքվին հապճեպ պայմանագիր կնքել։ Այս մասին ճեպազրույցի ժամանակ հայտարարել է ՌԴ ԱԳ նախարար Սերգեյ Լավրովը։

«Հաշվի առնելով երկու երկրների միջև երկարամյա թշնամությունը, ռազմական գործողությունները և զոհերը՝ մենք հասկանում ենք, թե որքան դժվար է Բաքվի և Երևանի համար առաջընթաց գրանցելը»,-ասել է նա։

Լավրովի խոսքով՝ խաղաղության հասնելու համար երկու կողմերից պահանջվում են զգալի ջանքեր՝ փոխընդունելի լուծումներ գտնելու համար։

«Ի տարբերություն արևմտյան կեղծ միջնորդների, մենք մեր գործընկերներին չենք շտապեցնում հապճեպ խաղաղության պայմանագիր կնքել»,-նշել է նա։