Ամերիկյան ընկերությունները 8,5 միլիարդ դոլար արժողությամբ գործարքը չեղարկել են

Tapestry ընկերությունը դադարեցրել է Capri-ի հետ 8,5 միլիարդ դոլար արժողությամբ գործարքը իրավական գործընթացի արդյունքում։

Սեպտեմբերյան դատավարության ընթացքում կարգավորիչը պնդել է, որ Tapestry-Capri գործարքը կստեղծի հսկայական ընկերություն, ինչը կարող է անարդարացիորեն բարձրացնել գները սովորական սպառողների համար:

Գործարքը արգելափակվել է ամերիկացի դատավորի կողմից՝ վերջ դնելով ամերիկյան շքեղության հսկա ստեղծելու ջանքերին, ինչը կարող էր մրցակցել եվրոպական ամենամեծ ապրանքանիշերի հետ:

ԱՄՆ Առևտրի դաշնային հանձնաժողովը (FTC) դատի էր տվել ապրիլին գործարքը արգելափակելու համար, քանի որ դա կարող էր խոչընդոտ հանդիսանալ «դեմ առ դեմ ուղիղ մրցակցությունը» ԱՄՆ-ի երկու խոշորագույն պայուսակների արտադրողների միջև:
Գործարքը կարող էր մեկ հարկի տակ միավորել վեց ապրանքանիշ՝ Tapestry-ից Coach-ին, Kate Spade-ին և Stuart Weitzman-ին ; Capri-ից Versace-ին, Jimmy Choo-ին և Michael Kors-ին: Բայց կարգավորիչները դատի են տվել գործարքը՝ մտավախություն ունենալով սպառողական գների վրա դրա ազդեցությունից։

Նույնիսկ ԱՄՆ շրջանային դատավոր Ջենիֆեր Ռոշենն անցել է FTC-ի կողմը՝ մերժելով ընկերությունների պաշտպանությունը:
Ընկերությունները հայտարարել են, որ փոխադարձ համաձայնության են եկել, որ միաձուլման պայմանագրի դադարեցումը բխում է իրենց շահերից, քանի որ իրավական գործընթացի արդյունքն անորոշ է և դժվար լուծվի մինչև 2025 թվականի փետրվարի 10-ը:

Tapestry-ն հայտարարել է, որ համաձայնել է Capri-ին փոխհատուցել գործարքի հետ կապված կատարված ծախսերը ՝ մոտ 45 միլիոն դոլար: