ԱՄՆ-ում ակնկալում են դռոնների արտադրությունից միլիարդների եկամուտ ստանալ․ Reuters

Անօդաչու թռչող սարքերի արտադրող AeroVironment ընկերությունը ձգտում է ընդլայնել իր պորտֆելը աճող աշխարհաքաղաքական լարվածության ֆոնին։ Ընկերությունը հայտարարել է, որ ձեռք կբերի տիեզերական և պաշտպանական համակարգերի մշակման BlueHalo ընկերությունը մոտ 4,1 միլիարդ դոլար արժողությամբ գործարքի շրջանակներում ԱՄՆ-ում:

Switchblade barrage զինամթերք արտադրող AeroVironment ընկերությունը գործարքի շրջանակում կթողարկի BlueHalo ընկերության մոտ 18,5 միլիոն բաժնետոմս, որի բազան Վիրջինիա նահանգի Արլինգթոն քաղաքում է:

BlueHalo-ն պաշտպանական տեխնոլոգիական ընկերություն է, որն արտադրում է անօդաչու թռչող սարքերի պաշտպանության համակարգեր և լազերային հաղորդակցման տեխնոլոգիաներ, տիեզերական առաքելություններում օգտագործելու համար։ BlueHalo-ի բաժնետոմսերի մեծ մասը պատկանում է Arlington Capital Partners մասնավոր բաժնետիրական ընկերությանը։

2025թ․ տարվա առաջին կեսին, գործարքի ավարտից հետո, AeroVironment-ի բաժնետերերին է պատկանելու միավորված ընկերության մոտ 60,5%-ը:

BlueHalo-ի բաժնետերերը կունենան մոտավորապես 39,5%, Arlington-ը կպահպանի «զգալի» բաժնեմասը միավորված ընկերությունում:

AeroVironment-ի գործադիր տնօրեն Վահիդ Նավաբին կգլխավորի միավորված ընկերությունը, իսկ BlueHalo-ի Ջոնանաթան Մանիմեյքերը կդառնա Նավաբիի ռազմավարական խորհրդականը: