Հայաստանի սահմանին գտնվող դիրքերը նկարելու համար ադրբեջանցի փորձագետը ձերբակալվել է

Հայաստանի սահմանին գտնվող ադրբեջանական դիրքերը նկարահանելու համար Բաքվում ձերբակալվել է ռազմական փորձագետ Ադալյաթ Վելիևը։ Այս մասին հայտնում են ադրբեջանական լրատվամիջոցները։

Մի քանի օր առաջ դիրքերից սոցցանցերում կադրեր հրապարակելու համար Ադրբեջանի գլխավոր դատախազությունը Վելիևի նկատմամբ հարուցել է քրեական գործ:

Նրան մեղադրում են «երկրի շահերին, պետական անվտանգությանը և պաշտպանունակությանը լուրջ վնաս հասցնելու մեջ»։